Raporti i Financave Vendore për vitin 2019, i hartuar nga Coplan dhe Ministria e Financave dhe Ekonomisë nxjerr në pah se pjesa dërrmuese të fondeve që bashkitë kanë në dispozicion, përdoren për paga dhe shpenzime të tjera operative dhe shumë pak shkojnë për investime për qytetarët. Për çdo 100 lekë të shpenzuara nga pushteti vendor, 71 lekë shkojnë për mbulimin e shpenzimeve korrente, ku përfshihen paga dhe shpenzime të tjera të administratës dhe vetëm 29 lekë shkojnë për investime. Të dhënat e raportit të Financave Vendore tregojnë se në vitin 2019, numri total i punonjësve në 61 bashkitë në vend ishte afërsisht 32.213 punonjës, me Tiranën kryesuese që rreth 19.6% të të punësuarve total. Ky raport hartohet për të pestin vit radhazi. Viti 2019 njohu dy ngjarje të rëndësishme: zgjedhjet vendore dhe fatkeqësitë natyrore (tërmetet).