Pas konfirmimit të rasteve me COVID 19 në Shqipëri, ditën e djeshme masat ndaj virusit që po trondit gjithë botën kanë kaluar në një stad tjetër. Autoritet e shëndetësisë kanë marrë masat kryesore, duke nxjerrë udhëzimet përkatëse. Ndërkaq me herët ministria ka nxjerrë dhe informacionin për të prekurit me koronavirus. Gjendja e dy të prekurve babë e bir që kanë udhëtuar nga Firence në Tiranë është e stabilizuar dhe nuk paraqesin komplikacione sipas mjekut infeksionist Pëllumb Pipero por, ai shprehet se ata do të jenë në vëzhgim edhe për disa ditë. Pas dy të parëve të konfirmuar në Shqipëri, mbrëmë janë konfirmuar edhe 4 raste të reja dhe janë nën vëzhgim dhe 24 persona me të cilët të prekurit kanë qenë në kontakt. Rastet e konfirmuara po trajtohen në spitalin infektiv. Për të folur më shumë rreth situatës kishim sot mjekun infeksionist pranë Spitalit Infektiv në QSUT, Pëllumb Pipero.