Parma vazhdon të jetë, bashkë me Piacenzan dhe Riminin, epiqendra e infektimit në rajonin e Emilia-Romagnas, rajon që është i dyti më i prekur nga Lombardia apo Veneto. Por si po trajtohen të sëmurët me koronavirus në Parma. Mjeku Shpëtim Baçi tha se, terapia fillohet me dy antibiotikë në fillim. "Edhe pse është një virus dhe antibiotiku nuk vepron kundër virusit jepet antibiotikë për të parandaluar një infeksion të dytë tek mushkëritë për 5-7 ditë, pastaj në bazë të shenjave dhe skanerit jepet dhe terapia antivirale. Por nuk është vërtetuar se këto medikamente shërojnë 100% kornavirusin, megjithatë në i trajtojmë pacientët sipas rasteve"- tha Baçi. Në Parma gjithashtu jetojnë rreth 8000 shqiptarë. Mjeku Shpëtim Baçi i pyetur se a ka informacion nëse ka pasur të infektuar me Covid -19 nga komuniteti shqiptar që jeton atje ai tha se është në kontakt të vazhdueshëm me shumë prej tyre. "Numrin tim të telefonit e kanë të gjithë shqiptarët që jetojnë këtu, i njoh të gjithë. Më kanë marrë në telefon për të kërkuar informacione për shenjat që kanë pasur. Dje në qytetare më lajmëroi se një grua shqiptare gati 60-vjeç ka vdekur në spitalin e Parmës por nuk kam një dokument të saktë për të thënë me siguri nëse shkaku ishte koronavirusi. Nuk e kam kartelën para që të them me siguri".