Alma Bashvogli është një nga 30 mjekët dhe infermierët shqiptarë që disa ditë më parë u nisën drejt Italisë për të dhënë ndihmesën e tyre për pacientët e shumtë që po trajtohen nga koronavirusi. Ajo është edhe Drejtuese e Njësisë Vendore të Kujdesit Shëndetësore Peqin dhe ka disa vite që punon si mjeke. Aktualisht Alma po kryen vizita mjekësore në spitalin Civil të Breshias, ku nevojat për mjekë janë shumë të mëdha në gjithë këto javë të vështira. Alma është pjesë e mjekësisë preventive dhe realizon me dhjetëra e madje qindra tamponë në ditë (deri në 300). Nuk ka qenë e lehtë për Almën që të nisej drejt Italisë pasi ajo ka edhe një djalë të vogël vetëm 3 vjeҫ, i cili e kërkon në ҫdo moment dhe e pret që të kthehet sa më shpejt. Por ky është profesioni dhe misioni i saj i vështirë dhe ajo nuk është penduar aspak. Ne e kemi tani në skype mjeken Alma Bashvogli nga Urgjenca e Spitalit Civil të Breshias.