Shqiptarët, gjatë gjithë historisë të tyre të udhëtimeve me avion, kanë spikatur për faktin marrin me vete sa më shumë produkte që të munden, ndonjëherë edhe krejt të panevojshme. Artikujt janë nga më të ndryshmit dhe ndoshta secili prej nesh mund të ketë transportuar diҫka për ta pasur nga Shqipëria ose për t'ja ҫuar të afërmve që jetojnë në një vend të huaj. Disa nga këto produkte që shqiptarët i marrin me vete teksa udhëtojnë janë: mishi i gjallë, fasule, trahana, reҫel, turshi, fruta të thata,vaj ulliri, bimë mjekësore, ilaҫe, mjaltë...etj. Jo pak herë të huajve ju ka bërë shumë përshtypje ky "zakon" i yni. Një nga rastet më të fundit është publikuar dy ditë më parë në faqen patc.com, dhe tashmë ka bërë xhiron e shumë mediave të tjera. Më konkretisht kanë qenë doganierët në aeroportin e Filadelfias në SHBA të cilët janë befasuar teksa kanë konstatuar disa produkte ushqimore në bagazhet e dy shqiptarëve. Rasti është raportuar në 19 dhjetor 2019 dhe produktet që u ndaluan ishin: mish i gjallë, qingj i therur, salҫiҫe, plëndës. Ishte qeni i policisë kufitare i cili zbuloi rreth 14 kg produkte ushqimore. Më tej, gjatë një kontrolli të dytë, specialistët gjetën 6.2 kg mish të një kafshe të egër të panjohur, mish derri, kukurec të papërpunuar, 2.2 kg presh dhe 2 kilogramë gështenja. Duke bërë një kontroll të imtësishëm, mes gështenjave ata gjetën dhe dy insekte të gjalla, një tortricidae, insekt i zakonshëm në Evropë dhe një curculio, që kishte erë të keqe. Produktet u ndaluan për t'u shkatërruar më pas