Mëngjesin e sotëm në “Wake Up” ishte në një lidhje këngëtari Mentor Haziri i cili me 30 tetor ka publikuar projektin e ri “Nji grusht trëndafila”, ku pjesë e këtij klipi janë ish Miss Kosova, Diellza Kolgeci dhe gazetarja Desara Karaiskaj. Por përse zgjodhi pikërisht Diellzën si protagoniste të këngës? “I kam të dyja mike. Diellzën e njoh që në fëmijëri dhe gjithmonë kam pasur dëshirë që ajo të ishte pjesë e projekteve të mia, por deri më tani nuk kisha gjetur një këngë që t’i përshtatej bukurisë së saj. Mendova që kjo këngë që është pak më klasike dhe vintage i përshtatet Diellzës si një mbretëreshë e bukurisë”. Mentori njihet si këngëtarë që prodhon herë pas here projekte dhe ndërkohë po punon për të radhës: “Aktualisht po punoj një kënëgë patriotike për heroin Bajram Curri, e cila pritet të publikohet për festat e nëntorit ose për Pavarsinë e Kosovës. Jam pro këngëve single se sa për realizimin e albumeve.”