Nga kjo e enjte ashtu si është paralajmëruar nga vetë Kryeministri Edi Rama, mbajtja e maskës do të bëhet e detyrueshme sapo del nga dera e shtëpisë. Nëse gjatë kësaj periudhe ato u mbajtën vetëm në ambiente të mbyllura ku nuk respektohej distancimi fizik prej 2 metrash, tani maskat janë të detyruara të përdoren edhe në ambiente të hapura, rrugë, parqe, ambiente argëtuese për fëmijë etj. Nëse nuk do ta respektoni këtë vendim, natyrisht që nuk do t'i shpëtoni penalizimeve. Do të ketë edhe gjoba të cilat nuk dihet nëse do të kenë një vlerë më të lartë se 2 mijë lekë( gjoba që aktualisht vendoset në ambiente të mbyllura).Sipas autoriteteve të shëndetësisë, mbajtja e maskës kudo në çdo ambient do të sillte një reduktim të rasteve me Covid19 në vendin tonë, ndërkohë që kjo është një masë që i paraprin edhe sezonit të vjeshtë-dimrit, kur situata pritet të jetë më e rënduar si pasojë edhe e qarkullimit të virozave apo gripit sezonal. Sot për të folur për maskat, çfarë impakti pritet të kenë në shëndetin e popullatës nëse nuk do të përdoren si duhet, kategoritë që nuk do ta mbajnë, apo kush janë vendet ku të gjithë mund të çlirohemi prej tyre kishim Genta Qirjako, mjeke/shefe e promocionit në ISHP