Mëngjesin e sotëm në “Wake Up” ishte i ftuar Festim Arifi ose siç njihet me emrin e artit, Lyrical Son. Vetëm 10 ditë më parë në bashkëpunim me Mc Kreshën ka prezantuar kënëgn “Ajo po don”. “Ajo po don” është një këngë vetëm për nxemje. Unë dhe Mc Kresha nuk i kemi bërë kurrë reklamë këngëve tona, siç bëjnë kolegët tonë me “coming soon”. Jo se është mënyrë që nuk e duam, por për shkak të karakterit që jemi pak me special, për shkak të muzikës me speciale, mundohemi që dhe mënyrën e lançimit ta kemi ndryshe dhe jo shabllone. Ne nuk kemi fansa, kemi specialista. Volumi i fjalëve në tekstet e këngëve tona, nuk mund të jenë fjalë të thjeshta apo të përdorura më gerët që të mund t’i dijnë dhe fëmijët e klasës së dytë apo tretë. Rrepi ynë është pak më i komplikuar, për të frymëzuar rininë që përmes rrepit të shprehim realitetin që na rrethon edhe pse sot nuk është shumë i mirë për asnjë nga ne”, rrëfeu Lyrical Son gjatë bisedës me moderatorin Isli Islami.