Ish-Drejtori i Policisë së Shtetit dhe ish-Drejtori i Hetimit Tatimor, Ahmet Prençi sapo ka botuar romanin e tij të parë me titull "Anja". Letërsia është një pasion i hershëm i tij pasi më herët ka shkruar edhe vëllimin poetik "Udhë në pasqyrë". Libri flet për një histori dashurie dhe për pengjet e rinisë. Është një dramë njerëzore. e ndërthurur me imagjinatën, fantazinë, që tregon historinë e dikujt që humbi një dashuri dhe jetoi gjatë me atë peng. Po ashtu ai trajton edhe fenomenin e korrupsionit në shoqërinë tonë, duke treguar për një prokuror të korruptuar i cili në këtë vepër shkarkohet nga detyra. Nuk na ndodh shpesh që të rastisim me një drejtues të lartë të policisë që shkruan libra, e aq më tepër një roman dashurie. Për rreth 25 vite ai e ka pasur të pamundur që të shkruajë për shkak të detyrave të rëndësishme që ka mbajtur në polici. Kjo e bën edhe më të veçantë këtë libër dhe na zgjon kureshtjen për ta lexuar.