Shqipëria vetëm në vitin 2019 ka importuar rreth 310 miliardë lekë mallra dhe shërbime nga Kina, prej të cilës marrim rreth 9% të importeve. 41% e produkteve që importojmë janë makineri, pajisje, dhe pjesë këmbimi që zënë rreth. 20 % janë produkte tekstile dhe këpucë. 15% janë importe për materiale ndërtimi dhe metalet. 1 % e importeve kineze janë ushqime, pije dhe duhan. Nëse virusi përhapet, Kina do të duhet të ndërmarrë një izolim total të shumë qyteteve të mëdha, izolim që mund të shkatërrojë edhe ekonominë. Stoqet kineze janë ulur në bursa, duke sinjalizuar frikën e investitorëve për një ulje globale ekonomike. Kur Kina “teshtin” këto ditë, pjesa tjetër e botës duket se përballet me më shumë sesa thjesht një “ftohje”. Po në ekonominë e Shqipërisë, si do të ndikojë koronavirusi i ri dhe paniku që është krijuar prej tij? Adrian Civici, ekonomist jep opsionin e tij se si dhe ku do të ndikojë situata e koronavirusit në ekonominë shqiptare.