BiblioTech do të jetë një hapësirë e pajisur me mjete teknologjike brenda Bibliotekës Publike që pritet të hapet këto ditë në Korçë. UNICEF ka zgjedhur Korçën dhe Tiranën për zbatimin e nismës që synon kthimin e hapësirave të bibliotekave publike në laboratorë teknologjie për fëmijët, të rinjtë dhe gjithë komunitetin. Por përveç kësaj pjese, vetë biblioteka e re e qytetit do të jetë një diçka që ndoshta qytetet e tjera nuk e kanë. Dhe se si do të jetë ajo dhe si pritet të ecin gjërat, ne kemi tani në lidhje direkte nga Korça, nënkryetaren e Bashkisë Benila Themeli. INFO PLUS: Biblioteka është e konceptuar të jetë me dy salla leximi dhe një pjesë e librave të bibliotekës do të vendosen në të dyja sallat. Ka dy salla projektesh, një sallë për dëgjimin e muzikës, një sallë për konferenca, sallën e periodikut dhe ambiente të tjera më intime në të cilat lexuesit mund të vijnë dhe të lexojnë librat. Gjithashtu është edhe veranda, ku gjatë verës lexuesit mund të vijnë të çlodhen dhe të lexojnë.