Në fillimi të muajit maj, dhe gjatë javës së parë, Kosova shënoi shumë pak raste të infektuarve me KOVID-19, madje pati edhe ditë ku u shënua vetëm një rast pozitiv. Por ditët e fundit, ka një tendencë rritje të rasteve të reja. Vetëm në tri ditë janë shënuar mbi 50 të infektuar, teksa vendi në 18 maj përgatitesh për hapjen e fazës së dytë. Por a do të ketë një kthim mbrapa në masa, apo në karantinë nëse ecet me këto shifra? Në 18 maj në Kosovë ishte parashikuar një hapje e mëtejshme e shumë aktiviteteve ekonomike dhe shëndetësore, por lehtësimi i masave tashmë është në pikëpyetje dhe vendimi pritet të merret gjatë këtyre ditëve nga Komiteti për Menaxhimin e Pandemisë. Megjithatë se çfarë po ndodh në Kosovë, trendi rritës i të infektuarve apo vazhdon dhe cilët mund të jenë faktorët që kanë ndikuar kishim në një lidhje Skype, Faik Hoti, specialist në Shëndetin Publik dhe drejtor i zyrës së komunikimit me publikun në Ministrinë e Shëndetësisë në Kosovë.