Pandemia nga koronavirusi ka prekur tashmë vendet më të fuqishme. Evropa sipas shifrave vazhdon të mbetet epiqendra e Covid-19. Gjermania nga dita në ditë po shënon rritje të rasteve të infektuarve, por numri i atyre që kanë humbur jetën është i ulët sipas mjekëve dhe kjo duket se situata është nën kontroll. Megjithatë ditën e djeshme zyrtarë në Berlin kanë njoftuar se do të marrin masa shtrënguese për 3,6milionë banorët e kryeqytetit nëse ata nuk do të zbatojnë masat, sepse ditët e fundit janë parë të vazhdojnë rutinën e tyre të përditshme, madje duke frekuentuar dyqanet, parqet.. Por si po përballet personeli shëndetësor në Gjermani me këtë pandemi, ndërsa vetë kancelarja Anegla Merkel ka deklaruar se do të infektohet gati 60% e popullatës? Sot ishim në një lidhje skype në Berlin, aty ku na priste mjeku internist dhe kardiolog, Fahri Beqaj.