Për shkak të situatës së krijuar nga pandemia, këtë vit nuk do të ketë një paradë në shesh nga komuniteti LGBTI, me rastin e 17 majit, ditës ndërkombëtare kundër homofobisë. Ndaj, të gjitha aktivitetet e parashikuara por edhe shumë nisma inovative po zhvillohen online dhe një përmbledhje e tyre do të publikohet të dielën. Projekti mbi “Promovimin e Diversititetit dhe Barazisë në Shqipëri” nën programin e përbashkët të Bashkimit Evropian / Këshillit të Evropës po mbështesin organizatat “Aleanca LGBTI”, “Pro LGBTI” dhe "Streha LGBTI" për të promovuar sa më shumë këto aktivitete, të cilat përkojnë edhe me 10 vjetorin e "Marshimit të Krenarisë në Shqipëri". Disa nga aktivitetet lidhen me shfaqjen e talenteve të këtij komuniteti, njohja me shkrimtarët më të famshëm që janë pjesë e tij, promovimi i aktivistëve gjatë karantinës, ekspozitë fotografike në kushtet e izolimit, valëvitja e flamujve të komunitetit në ballkonet e shtëpive...etj. Për të folur më shumë lidhur me idetë kreative të aktivistëve por edhe të mbështetësve të tyre, do të lidhemi në skype me Iva Ҫokun, e cila është oficere projekti për Barazinë dhe Diversitetin në Këshillin e Evropës.