Njerëzit në Shqipëri nuk kanë besim të institucionet – sidomos te drejtësia - për të zgjidhur hallet e tyre. Këtë fakt tashmë të gjithë pranuar, na e konfirmuan edhe dy raste të fundit, të freskëta: 1- Shqipëria u dënua dje me 15 mijë euro dëmshpërblim dhe 2,500 euro kosto gjyqësore nga Gjykata Evropiane e të Drejtave të Njeriut për atë që gjykata e quajti trajtim çnjerëzor dhe degradues dhe heqje e paligjshme e lirisë për shtetasin Arben Strazimiri, 47 vjeç, të cilin, gjykatat shqiptare e kanë mbajtur me mjekim të detyruar në spitalin e burgut në Tiranë në mungesë të një spitali të posaçëm për trajtimin e personave të sëmurë mendërisht, për të cilët gjykatat urdhërojnë mjekim të detyruar. Rasti u dërgua për gjykim dhe t’i dhënë të drejtë në Gjykatën Ndërkombëtare të të Drejtave të Njeriut në Strasburg. 2- “Fiks Fare” denoncon parmbrëmë skandalin e radhës të dhunës në familje. Me zë dhe figurë, emisioni investigativ faktoi se një nënë dhunonte fizikisht dhe psikologjikisht në mënyrë sistematike vajzën e saj 13 vjeçare. Njerku i vajzës denoncoi dhunën ndaj 13-vjeçares dhe ndaj atij vetë. Edhe ai kishte zgjedhur median për të kërkuar të drejtën e tij dhe atë të vajzës së mitur.