"E Diell n'fermë" e gazetarit Ervin Kurti ka spikatur në sezoni e ri të spektaklit "E Diell" edhe për faktin se i vendos personazhet e njohur publik në situata nga më të ndryshme nga jeta dhe puna e përditshme në fshat. Kështu do të ndodhë edhe këtë të dielë. Gazetari Ervin Kurti na zbuloi të ftuarit dhe disa detaje se çfarë do të ndodhë në fermën e tij këtë radhë. "Unë po zbuloj diçka nga episodi i radhës që shfaqet të dielën. Të ftuara në fermën time janë këngëtarja Valbona Mema dhe balerina Isida Mollaymeri. Ato të dyja do të vihen të lajnë rroba me dorë në govatë dhe me sapun 15- lekësh si dikur gjyshet dhe nënat tona, sepse lavatriçja e fermës është prishur. Dhe është vetë Valbona që mëson Isidën sesi duhet t'i fërkojë rrobat te rrasa pranë govatës për ti larë sa më mirë"- zbulon pak nga episodi i kësaj të diele gazetari Ervin Kurti.