Këtë mëngjes ne ishim përmes skype në shtëpinë e aktorit, moderatorit dhe producentit Ermal Mamaqi. Ai njihet për postimet e tij plot humor në rrjetet sociale, por ama në këto ditë karantinimi është bërë dhe vetë protagonist në videot e publikuara. Ka pasur më shumë kohë për t’ju përkushtuar fëmijëve, pasi ka realizuar dhe një eksperiment me Joelin në lidhje me mikrobet, se si sapuni i largon ato, i ka dedikuar një këngë Dr. Pëllumb Piperos, si dhe ka publikuar një video teksa ka prerë flokët vetë... Por pas këtyre çfarë i ka mbetur tjetër pa bërë Mamaqit? "Të rrish me fëmijët 24-orë nuk është e lehtë. Postova një status të Justin Timberlake i cili thoshte se "të jesh prind i mbyllur 24 orë në shtëpi, është ç'njerëzore". Ju se kuptoni se nuk jeni prindër por të jesh me fëmijët 24 orë në 24 është tjetër gjë. Ne na pëlqen p.sh. të luajmë play-station dhe nuk na pëlqen të bëjmë detyrat sidomos ato të matematikës. Ky është halli im i ditës të bëjmë detyrat e shtëpisë. Unë kam përgjegjësinë për ta drejtuar mësimin e djalit që është në klasë të parë, dhe është një sfidë shumë e madhe për mua. Objektivi i ditës është të bëjmë detyrat e shtëpisë".