Sesa frymëzuese ka qenë kjo periudhë izolimi për kantautorin Shpat Deda përsa i përket projekteve dhe sesi i ka përjetuar ai këto javë, na tregoi sot në një intervistë nga oborri i shtëpisë së tij. "Më mungon liria me dalë me miqtë. Kur ndjehesh i vetmuar nuk ndjehesh mirë edhe pse unë jam mësuar të jetoj vetëm. Megjithatë këtë periudhë kam zbuluar mënyra sesi me u lidh me njerëzit online. Ajo çfarë ka ndodhur këtë periudhë është se jam afruar me disa njerëz më shumë në këtë periudhë izolimi nga ç'kam qenë më parë. Ke disa miq që nuk i humb kurrë edhe pse nuk ke pasur kontakte vitet e fundit. Dhe gjatë kësaj kohe kam pasur shumë momente të tilla."-tha kantautori. E ndërkohë që thotë se ka qenë vetëm në karantinë Shpati paska zbuluar disa gjëra argëtuese që mund të bëhen në shtëpi. "Nuk e kam ditur kurrë që është kaq argëtuese pastrimi i shtëpisë"- tha kantatuori