Prej datës 9 shkurt në Top Channel ka filluar rrugëtimin festivali më i ri i muzikës moderne shqiptare “Jeho” me producent Alban Male dhe moderatore, Fjoralba Ponarin. Ky festival vjen çdo të diel në orën 18:40, ku marrin pjesë 5 konkurrentë në çdo episod. Ndërsa juria e këtij spektakli muzikor siç edhe ju i keni parë dhe ndjekur janë: Elgit Doda, Kledi Bahiti dhe Megi Pojani. Nën kujdesin e drejtorit artistik Alban Male, “Jeho” ka në fokus rrymat më të dëgjuara të momentit nga artistët e rinj pjesëmarrës. Të ftuar në Wake Up të tre anëtarët e jurisë bashkoheshin në një pikë përsa i përket synimeve dhe pritshmërive që ata dhe konkurrentët duhet të kenë nga ky Festival. Sipas tyre ndër vite janë zhvilluar shumë programe që promovojnë talente po ku janë sot ato talente. Ky Festival synon që në fund të evidentojë 2-3 elementë të talentuar në fushën e muzikës, e t'i orientojë dhe ti mbështesim në karrierën e tyre muzikore.