Raste e dhjetra personave të konfirmuar në Itali me Convid 19 (Koronavirus) dhe humbja e jetës së dy personave në shtetin fqinjë, ka shtuar panikun tek popullata shqiptare . Nisur nga kjo situatë edhe strukturat e shëndetsisë kanë përforcuar masat, pasi kontakti me Italinë është më i shpeshtë se vendet e tjera. Ndërkaq në një deklaratë për mediat, Instituti i Shëndetit Publik ka deklaruar se deri tani nuk ka asnjë rast të prekur nga Convid 19 në vendin tonë. Në mënyrë të veçantë tre ditët e fundit janë intensifikuar kontrollet në pikat e kalimit kufitar. Gjithashtu, sipas saj, ISHP ka pajisjet e duhura për trajtimin e rasteve të mundshme me virusin vdekjeprurës. Megjithatë për të folur rreth situatës kishim të ftuar sërish mjeken epidemiologe, Eugena Tomini. Ajo tha se ka pasur raste që janë dyshuar por pas testimit ka rezultuar se ka qenë thjesht grip i stinës.