Iljaz Spahiu prej më shumë se 30 vitesh është përkthyes dhe studiues i gjuhës, kulturës, shoqërisë e politikës kineze. Në një lidhje skype me Wake Up ai solli analizoi faktin sesi një vend si Kina më një popullsi që shkon në miliarda njerëz arriti ta mposhtë përhapjen e virusit Covid-19. Kina thuajse e ka fituar betejën ndaj koronavirusit dhe pritet që shumë shpejt t’i rikthehet jetës normale. Në Wuhan janë mbyllur shumë spitale që u hapën gjatë shpërthimit të epidemisë dhe në provincën e Hubeit disa kompani do të nisin prodhimin e tyre.Numri i rasteve të reja me koronavirus në Wuhan ka rënë ndjeshëm në javët e fundit dhe në Hubei nuk ka pasur asnjë të prekur për shumë ditë me radhë. Për këtë arsye qeveria ka vendosur që bizneset në Wuhan dhe Huberi, që janë të përfshira në sigurimin e nevojave të përditshme, parandalimin dhe kontrollin e epidemisë, ose në shërbimet publike, janë ndër ato që mund të rifillojnë punën dhe prodhimin menjëherë. Ndërsa kompanitë e tjera, që nuk merren me prodhimin e ilaçeve apo produkteve bujqësore, do të nisin prodhimin dhe punën pas datës 20 mars. Megjithatë, kufizimet në transportin publik do të vazhdojnë dhe autoritetet publike ka shtyrë datën e hapjes së shkollave. Gjithashtu, autoritetet kanë thënë se do të vazhdojnë ende me masat e rrepta të kontrollit në vendet jashtë Wuhanit dhe Hubeit.