Sulmet terroriste të ditëve të fundit në Francë dhe Vjenë, kanë rritur alarmin në pjesën më të madhe të shteteve evropiane. Mes këtyre vendeve edhe Shqipëria ka rritur nivelin e sigurisë. Në masat e marra përfshihet rritja e numrit të agjentëve civilë në ambientet publike ku ka një parni të madhe njerëzish, në aeroporte, porte dhe pika kufitare. Niveli i sigurisë nga jeshilë ka kaluar në portokalli. Ndërkohë që gjatë kësaj periudhe sipas informacioneve zyrtare do të ketë shkëmbime në kohë reale me njësitë e anti-terrorit në Evropë e me partnerët. Por sa e rrezikuar është Shqipëria nga këto sulme ,çfarë do të thotë rritje e nivelit të sigurisë.... Këto ngjarje a janë tregues që Evropa vazhdon të jetë e papërgatitur ndaj akteve të tilla? Ilir Kulla, Ekspert sigurie foli për radikalizimin e skajshëm të një grupi shumë të rinj të cilëve u është shpërlarë truri dhe instrumenti në të cilin kalon gjithë ky radikalizim është interneti. "Ajo që më shqetëson mua sidomos në rastin e Vjenës është se ku janë stërvitur këta të rinj pra duhet parë më thellë çështja e radikalizimit. Ajo çfarë është shumë e rëndësishme ëhstë të kuptohet se cilit netëork të ngushtë i përkasin këta të rinj që kryejnë sulme terroriste"- tha Kulla.