Në një situatë të tillë pandemie dhe emergjence globale që po përjetojmë është shumë i rëndësishëm solidarizimi dhe humanizmi. Pikërisht për këtë do të flasim sot, pasi komuniteti shqiptar i Selanikut ka hedhur një hap të solidaritetit human duke dhuruar gjak për Bankën e Gjakut të Komunitetit. Kjo është banka e parë e gjakut e këtij komuniteti, i cili në fakt është krijuar si Union me 30 nëntor të vitit 2019 (pikërisht për tërmetin që goditi Shqipërinë në 26 nëntor të vit të shkuar). Banka e Gjakut e komunitetit shqiptar të Selanikut, do të administrohet nga vetë Komuniteti, sipas ligjeve shtetërore greke, pra do të vendosë Këshilli Drejtues i Komunitetit se ku e dhuron sasinë e gjakut që ka në bankën e tij. Për më tepër na shpjegoi në lidhje skype, Dr. Luan Zyka, Kryetar i Komunitetit Shqiptar në Selanik.