4x4 është një grup artistësh i njohur i themeluar në vitin 2015 dhe njihet për muzikë të zhanrit “hard rock”. Po kush është e veçanta e këtij grupi? Grupi 4x4 në vitin 2017 ka realizuar albumin “Albanika” i cili përmban 8 këngë, ku 6 prej tyre janë instrumentale, këngë të melosit tonë popullor të konvertuara në Rock dhe 2 të tjera janë “remake” të këngëve "Heroi i qytetit pa lumë" dhe "Të shtrirë mbi kanape". Ky grup përbëhet nga 4 pjesëtarë të cilët kanë eksperienca të ndryshme në muzikë ndër vite, përkatësisht nga: Flamur Prapashtica (kitarë), Gëzim Muriqi (bas), Labinot Zogiani (bateri) dhe Ardian Behrami (vokal) i cili këtë mëngjes është në një lidhje skype me ne për të na folur më gjatë rreth rrugëtimit të grupit dhe projekteve të reja. Ardian Behrami –CIPA ka lindur në Mitrovicë, ku ka përfunduar shkollën e ulët të muzikës “Tefta Tashko”.Ai është pjesëmarrës në organizime të ndryshme muzikore, gjithashtu pjesëmarrës në disa projekte muzikore të disa grupeve. Në vitin 2001 bëhet vocalist i “VIVA”- band e cila ishte funksionale deri në vitin 2003. Me tej ka themeluar grupin “PULS”. Në vitin 2007 ka vijuar këngëtarë solo. Në vitin 2012 bashkohet me grupin “IBAND” ku pas një kohe,dhe ndryshimeve ne grup, grupi merr emrin“4X4”. Në 2013 pjesëmarrës ne “The Voice of Albania 3”, ku përfundon me sukses netët LIVE.