Erik Subashi është një djalë i vogël që studion në një shkollë private këtu në Tiranë. Ai në fakt është rritur në Kanada, prej nga së bashku me familjen ka pak kohë që është kthyer. Dhe atje nismat personale humanitare, por mbi të gjitha empatia ndaj atyre që janë të pamundur, mësohen dhe nxiten që në fëmijëri. Erikut iu duk shumë normale që të organizonte prindërit e shokëve dhe vetë shokët e klasës së tij, por edhe një mikeshë të familjes së tij (e cila punon të Banka Botërore), për të mbledhur lekë që t’u bënin nga një dhuratë fëmijëve jetimë. Ideja ishte që secilit prej fëmijëve jetimë t’i bënin nga një dhuratë të personalizuar, me emër dhe mbiemër. Ashtu bënë; me dhuratat e tij, ai gëzoi fëmijët e jetimores së Shkodrës (zgjodhën Shkodrën, pasi në Tiranë të gjithë shkojnë për t’u bërë dhurata për festa fëmijëve).