Aktualisht në Londër jetojnë rreth 200 mijë shqiptarë, ku një ndër ta është edhe Gent Jakupi i cili në fakt herë pas herë është bërë pjesë e tubimeve të ndryshme në mbështejte të atdhetarëve të tij. Prej 23 vitesh ai jeton dhe punon në Londër dhe është ushtarak në ushtrinë angleze. Si një emigrant që jetën nuk e ka pasur aspak të lehtë dhe ku çdo gjë e ka arritur me shumë përpjekje, 7 javë më parë ka krijuar Lëvizjen Revolucionare Shqiptare e cila do të jetë zëri i kauzave të ndryshme të shqiptarëve nëpër botë. Deri më tani kjo lëvizje ka krijuar disa degë të saj në shtete të ndryshme ku dominojnë shqiptarë.. Deri më tani përpara Ambasadës shqiptare në Britani është mbajtur vetëm një tubim nga Lëvizja Revolucionare Shqiptare për naftëtarët. Tubimet nga kjo lëvizje pritet të jenë të shumta, por për shkak të pandemisë po respektojnë rregullat.