Për të 7-in vit radhazi në qytetin e Korçës organizohet Festivali mbarëkombëtar i komedisë, “Koko Fest 2020”. Ky festival ka filluar ditën e diel, 6 shtator dhe do të vijojë deri me 11 shtator, në orën 19:30 ku do keni mundësi të shihni disa prej shfaqjeve të përzgjedhura nga teatro të ndryshme. Shfaqjet do të mbahen në ambiente të hapura dhe me protokolle kundër koronavirusit. “Këto kohë teatri shijohet duke qeshur larg njëri – tjetrit, sepse qesh edhe më rehat. Qesh me maskë!”, është kjo thirrja për kujdes nga Koko Fest 2020. Kujtojmë se Koko Fest ndër vite ka bërë bashkë trupa shumë të mira me përmasa teatrore të shumta. Organizatorja Blerta Belliu dhe aktori Ervin Bejleri i cili u ngjit mbrëmë në skenë me komedinë e teatrit të Tiranës, “Nuk dëgjoj, nuk shikoj, nuk flas” na treguan detaje rreth këtij Festivali, trupave pjesëmarrëse dhe sesi publiku nuk ka munguar pavarësisht situatës së pandemisë në vendin tonë.