Më shumë se 10 mijë emigrantë janë dyndur në kufijtë e BE-së, pasi Turqia vendosi papritur të mos ua pengojë më rrugëtimin. Turqia ka që në vitin 2016 që nuk i lejon emigrantët të kalojnë, falë një marrëveshjeje që ka nënshkruar me BE-në, e cila ka ofruar fonde që shteti turk t’i mbajë emigrantët në territorin e tyre dhe deri tani janë mbledhur rreth 3.7 milionë emigrantë në kampe. Por pas një sulmi të Asadit kundër forcave turke, që la 33 ushtarë turq të vrarë, Turqia e përshkallëzoi luftën në Idlib duke shkaktuar kështu një tjetër valë emigrantësh. Që prej një jave, që nga deklarata e kryeministrit turk Rexhep Taip Erdogan, për hapjen e kufijve, Greqia është përballur me një fluks emigrantësh nga Lindja e Mesme në kufijtë e saj si nga toka dhe nga deti. Gjatë gjithë këtyre ditëve ka pasur konfrontime mes policisë greke dhe emigrantëve, ndërkohë që gjatë këtyre incidenteve janë shënuar viktima por edhe dhjetëra të lënduar. Reagimet me dy qeverive, si asaj turke dhe asaj greke kanë qenë të vazhdueshme, madje dhe të ashpra, ndërkohë që emigrantët vazhdojnë të kërkojnë një zgjidhje duke qëndruar në kufij ose duke gjetur rrugë të paligjshme për të depërtuar në vendet e tjera. Për më tepër se si është situata në Greqi do të ishim një lidhje skype me gazetarin e Top Channel, Artur Bibe, ndërkohë që me kameran e operatorit Ilia Poçi direkt nga porti Mitilini ne Greqi ndoqëm se ç'po ndodh me emigrantët atje