Ines Memisharaj dhe Albana Leka janë dy ndër violinistet më të dashura dhe më të spikatura të ekranit të Top Channel por jo vetëm. Ato kanë një karrierë të gjatë dhe janë prezantuar në kompeticione apo aktivitete të ndryshme muzikore e festive. Pas shumë e shumë covera-ve që kanë interpretuar ndër vite, më në fund dje ato kanë publikuar klipin e tyre të parë instrumental të titulluar "Feeling". Vajzat kanë disa kohë që punojnë për këtë projekt pasi dëshironin që të ishte sa më perfekt në çdo detaj duke qënë se kanë bashkëpunuar edhe me artistë të tjerë për ta realizuar. Po ashtu edhe miqësia e tyre jashtë profesionit është një tjetër arsye që i bën të kenë shumë kimi me njera-tjetrën. Madje edhe pushimet ndodh që i kalojnë së bashku. Të dyja janë edhe nëna, Albana me dy vajza dhe Ines me vajzë e djalë.