Ajo ka zgjedhur të ndjekë rrugën e muzikës, atë të babait të saj Osman Mula. Artistja, Evis Mula e ka nisur karrierën me muzikën e lehtë dhe më pas me atë klasike për të cilën vijon të punojë fort, duke u dëgjuar dhe në skenat botërore. Kujtojmë se për herë të parë Evis është ngjitur në skenë kur ka qenë 7 vjeç në muzikalin “Kjo natë sa një jetë” ndërsa interpretimet e para si këngëtare kanë qenë në festivalet për fëmijë, ku nisi të këndonte dhe këngë të kompozuara nga babai i saj. Por cili është projekti që e riktheu në këtë periudhë dhe e solli pranë publikut? “Matura 2020” është kënga e saj e re dedikuar maturantëve e risjellë në një version të ri të këngës së kompozitorit Agim Krajka e interpretuar vite më parë nga këngëtarja Parashqevi Simaku “Thuaja rini”. Evisi punon si specialiste e kulturë dhe sportit në Zyrën Vendore Arsimore të Tiranë, që është dhe inisiatorja e këtij klipi.