Shqipëria ka regjistruar numrin më të ulët të rasteve të reja të konfirmuara me COVID-19 gjatë 2 javëve të fundit! Bilanc pozitiv ka pasur edhe numri i të shëruarve. Rezultat të këtij bilanci të ulët të rasteve të reja, për Ministrinë e Shëndetësisë është hetimi epidemiologjik dhe gjurmimi i rasteve, që sipas saj ka funksionuar në mënyrën e duhur. "Gjurmimi epidemiologjik ka qenë i thelluar edhe këto masat e distancimit social e kanë bërë edhe më të lehtë këtë gjurmim. Efektet e distancimit social dhe masat e higjienës kanë treguar se janë masat e duhura dhe duhet të respektohen masivisht. Ne kemi ndjekur edhe kontaktet e brezit të dytë apo të tretë për të gjurmuar virusin" - tha Eugena Tomini. Ndërkohë është bërë e ditur se shumë shpejt do të nisë të aplikohet edhe një test i ri. Komiteti Teknik ka miratuar tashmë paktin që dhe testimi serologjik do të hyjë në vijim në QSUT. Ky proces do të jetë aktiv për të testuar të gjitha fashat ose grupet që janë të rrezikuara apo që e kanë pasur në mënyrë asimptomatike. "Testi serologjik bëhet nëpërmjet gjakut dhe do të jetë në mbështetje të diagnozës të rastete të dyshuara me Kovid-19 por nuk është test që bëhet për imunogonocitetin nuk ka lidhje si test të ri që po planifikohet të hyjë në përdorim për diagnozën laboratorike të Kovid-19 . Përsa i përket testimit do të testohen ata persona që shfaqin simptoma klinike apo kanë pasur kontakte me persona të sëmurë, pra do të ndiqet e njëjta procedurë që përdorim si dhe për tamponin"- tha Eugena Tomini, Shefe e Inteligjencës Epidemiologjike në ISHP.