Ndërsa numri i rasteve të reja me COVID-19 po pëson rritje, mjekë e shkencëëtarëë në të gjithë botën kanë rënë dakord se ky virus po përhapet më shpejt sesa gjatë valës së parë në pranverë. Shifrat treguan se në gusht filloi një përhapje e re e virusit, pasi u arrit që virusi të vendosej disi nën kontroll në fund të qershorit. Numri i ulët i të shtruarve në spital deri në fund të gushtit na dha një ndjenjë false të sigurisë, sepse ndodhi që në shtator të fillonte një javë e ftohtë dhe të gjithë treguesit në të gjithë Evropën u rritën. Epidemiologët gjithashtu bien në një mendje se virusi po përhapet më shpejt në mot të ftohtë sepse ne kalojmë më shumë kohë brenda. Por në fakt, çfarë nëntori na pret? Eugena Tomini shefe e Survejancës dhe Shërbimit të Inteligjencës Epidemike në ISHP tha se së fundmi ka një rritje të numrit të vdekshmërisë për shkak se pacientët paraqiten në spital kur rëndohen nga simptomat sepse zgjedhin të trajtohen në shtëpi me medikamente që i marrin vetë. "Mos hezitoni të shkoni në spital dhe mos u mjekoni vetë. Drejtohuni mjekut dhe spitalit dhe mos e merrni oksigjenin në shtëpi"- tha ndër të tjera Tomini.