Ermonela Jaho vijon me sukseset e saj në skenat botërore. Mbrëmjen e djeshme ajo shkëlqeu në premierën e shfaqjes “Turandot” të Puçini e cila interpretoi Liu në “Gran Teatre del Liceu” në Barcelonë të Spanjës. Ka pasur një vëmendje të madhe publike dhe mediatike për këtë fillim sezoni në "Gran Teatre del Liceu” jo vetëm për faktin se në këtë skenë ngjiteshin emrat më të njohur operistik, por edhe për një fakt tjetër historik: kjo vepër rikthehej 20 vjet pas rihapjes së këtij teatri në vitin 1999 (pas zjarrit që ra në vitin 1994 dhe e dogji thuajse në pjesën më të madhe ai u hap në vitin 1999 pas rikonstruksionit). Vetëm pak orë pas premierës sopranoja e njohur shqiptare përcolli emocionet e një nate më parë për publikun shqiptar dhe na zbuloi shumë ngjarje të jetës së saj. Përpos kësaj shfaqje duke qenë se tetori është caktuar si muaji i ndërgjegjësimit për kancerin e gjirit në të gjithë botën, nuk mund të mos përmendim se Ermonela prej vitesh është Ambasadore e YËCA për kauzën e Fjongos Rozë dhe sopranoja ka një mesazh për të gjitha gratë.