Në verë do të kemi një rënie të fuqisë të transmetimit të KOVID-19. Sipas mjekut shqiptar Erion Dasho, njëkohësisht Drejtor i Shëndetit dhe Inovacionit në Franfkfurt, virusi shkatërrohet nga dielli, nga ajri i pastër dhe lagështira dhe imuniteti i individit forocohet gjatë verës. "Këto janë fakte shkencore. Pra ulet transmetimi dhe rritet imuniteti i individit dhe normalisht që kemi një përhapje më të kontrolluar të virusit. Ndaj gjatë verës mendoj se duhen relaksuar masat kufizuese me qëllim që të lejohet përhapja e virusit duke mbrojtur tre kategori: personelin mjekësor, personat mbi 65 vjeç dhe personat e prekur nga sëmundjet kronike. Këto kategori duhen mbrojtur duke i bindur jo duke i detyruar përmes masave. Mjekët nuk kanë nevojë të binden se janë të bindur por dy kategoritë e fundit duhen bindur që të jenë përgjegjës për shëndetin e tyre"- tha Dasho.