Shkollat do të hapen më datë 18 maj e deri më 5 qershor, por vetëm për maturantët. Ka qenë vetë ministrja e arsimit, Besa Shahini e cila deklaroi se viti shkollor do të mbyllet në qershor 2020, ndërkohë që provimet e maturës shtetërore do të mbahen mes datës 8-18 qershor dhe kjo sipas saj është një periudhë e mjaftueshme për të përgatitur diplomat për maturantët që duan të studiojnë jashtë vendit. Një vendim tjetër ka qenë dhe ai i anulimit të provimeve për klasën e 5 dhe të 9. Mësimi nga shtëpia do të vazhdojë deri në fund të majit për klasat 1-11, dhe do të mbyllet 2 javë më herët se parashikimi me qëllim që mësuesit të shkojnë në shkolla dhe të bëjnë hedhjen e notave dhe kalkulimet përfundimtare. Por si i vlerësojnë këto vendime ekspertët e arsimit. Këtë mëngjes do të flasim nëpërmjet skype me ish drejtorin e arsimit parauniversitar, profesor Fatmir Vejsiu i cili gjatë gjithë kësaj periudhe ka qëndruar pranë maturantëve nëpërmjet testeve dhe temave që ju ka rekomanduar online.....