Diplomatja Edita Tahiri e ftuar sot në "Wake Up" ka folur edhe për propozimin që iu bë pak kohë më parë për pozicionin e koordinatores për dialogun. Ky propozim i është bërë nga kryeministri aktual Avdullah Hoti dhe Tahiri nuk e ka pranuar pasi nuk i janë plotësuar kushtet e kërkuara. "Që të jesh kryenegociator duhet të kesh pushtet edhe politik edhe legjitimitet. Unë kërkova që të kem minimumi një pozicion ministror në qeveri dhe kërkova që parlamenti të ma miratojë angazhimin tim."- u shpreh Tahiri. Ajo sqaroi se ky pozicion quhet "koordinator për dialogun" por në fakt bëhet fjalë për të qënit kryenegociatore. "Meqë kryeministri nuk arriti që t'i realizojë këto kushte, mbetëm në këtë situatë... Unë kur isha kryenegociatore në 7 vitet e bisedimeve në Bruksel, ky ishte angazhimi im ndaj i kam shtyrë proceset më tej. Por përveç dijenisë për këto procese duhet edhe vendimmarrje."- përfundon Edita Tahiri.