Florian Zekja, sipërmarrës fason është përfaqësues i biznesit të fasonerisë. Pas rastit të një fasonerie në Krujë që u bë vatra më e re e infektimit nga koronavirusi ai u shpreh se janë marrë masa shtesë që kjo të mos ndodhë në 70% të biznesit fason që është përqendruar kryesisht në Tiranë. I pyetur nëse ka një kërkesë nga përfaqësuesit e biznesit fason për të kryer teste masive në këto fasoneri ai u shpreh se jo. "Megjithatë- tha Zekja- do të ishte me vend që të bëheshin këto testime në mënyrë që dhe ne të kishim një panoramë të qartë se si është situata shëndetësore nga punëtorët e ka kaluar këtë virus, sepse ka një fakt; Duke parë statistikat e raporteve mjekësore që më kanë sjellë punëtorët për muajin janar-shkurt kam vënë re se shumica e tyre kanë kaluar të njëjtat simptoma dhe mund ta kenë kaluar virusin. Kështu që testimi do na e bënte më të sigurt gjendjen aktuale të punëtorëve"- tha Zekaj.