Situata e koronavirusit duket se po del jashtë kontrollit në shumë shtete të botës pasi janë rritur ndjeshëm shifrat e të prekurve, të të shtruarve në spitale dhe të viktimave po ashtu. Së fundmi në Amerikë janë raportuar më shumë se 200 mijë të infektuar në një ditë dhe ndërkohë janë mbi 65 mijë të shtruar në spitale. Kjo ka bërë që të shtohen masat dhe izolimet në disa shtete amerikane. Mjeku shqiptar Skënder Murtezani, i cili punon si epidemiolog në New York, vazhdimisht jep rekomandime, sikurse ishte edhe apeli i tij pak kohë më parë që nëse maskat mbahen rregullisht për 6 javë, virusi mund të zhdukej me 90% probabilitet. Ai beson se luhatjet emocionale të pacientëve të infektuar tregojnë për një lloj depresioni dhe po ashtu ndikojnë dukshëm edhe ilaçet që përdoren për të trajtuar sëmundjen. Një fenomen shqetësues është fakti se shumë qytetarë trajtohen në shtëpi, duke përdorur shpesh edhe receta të gabuara. Për mjekët e QSUT-së është problem edhe përdorimi i bombulës së oksigjenit në shtëpi dhe nuk është aspak e rekomandueshme.