Nuk kanë qenë të pakta deklaratat që janë bërë nga mjekë epidemiologë, pneumologë, si në Shqipëri, por edhe në shumë vende të tjera, se Kovid-19 mund të ketë qarkulluar shumë më herët se konfirmimi i rasteve të para zyrtare. Dhe këtu nuk bëhet fjalë për një periudhë dy javore që nga shpallja e pacientit zero, por edhe më herët , që në muajin janar. Vetëm dy javë më parë, ministri i shëndetësisë në Maqedoninë e Veriut, Venko Filipçe, deklaroi se koronavirusi mund të ketë qarkulluar në janar pasi është vënë re se ka pasur një rritje të numrit të vdekjeve nga gripi sezonal këtë vit, por edhe pas kryerjes së autopsisë së dy personave që kishin ndërruar jetë në 6 janar, njëri prej tyre ka rezultuar pozitiv në testin për Kovid-19. Nisur nga ky fakt por edhe se rastet vazhdojnë të rriten. Për të folur si është situata në Maqedoni, kishim në një lidhje skype nga Kërçova, mjekun Genc Selmani i cili është njëkohësisht dhe këshilltar i kësaj komune.