Mjeku infeksionist, Arjan Harxhi i ftuar në “Wake Up” tha se pandemia në Shqipëri është në trend rritës. Ai tha se deri tani virusi vazhdon të paraqitet agresiv, pacientët vazhdojnë të shfaqin shenja klinike të ngjashme me ato të fillimit të pandemisë. Ndërkaq mjeku u shpreh se 85% e rasteve janë forma të lehta, dhe mjekimi me antibiotikë që në ditët e para është I gabuar. “85% e rasteve shfaqin forma të lehta. Tek këtë pacientë të cilët mjekohen në kushte shtëpie dhe nuk kanë nevojë për shtrim në spital nuk duhet të përdoren skema me barna specifike. Këtu kemi konstatuar gabime. Mjekëve duhet t'u ofrohen udhërrëfyes që duhet të vijnë nga evidencat më të mira botërore. Në Shqipëri përshkrimi i antibiotikëve është i gabuar dhe kjo vjen nga një traditë e trashëguar. Nga studimet 10- 20 % e formave të rënda kanë një infeksion të mbivendosur dhe në këto raste patjetër që mund të ketë nevojë për antibiotikë. Nëse një pacienti me Covid-19 që në ditën e dytë mjeku i jep kortizon bën gabim” – u shpreh mjeku infeksionist njëkohësisht drjetues i Spitalit Covid 2.