Në botë debati mbi seksizmin sot është një nga temat më të nxehta. Në këtë polemikë është përfshirë edhe edicioni i 70 i Festivalit të Muzikës Italiane Sanremo 2020. Ky skandal shpërtheu menjëherë pas konferencës së parë të shtypit të ku u prezantuan 10 gratë që do e shoqërojnë przantuesin Amadeues në 5 netët e këtij eventi, mes tyre edhe moderatorja shqiptare Alketa Vejsiu. Amadeus duke prezantuar Francesca Sofia Novello, të fejuarën e kampionit të Moto Gp, Valentino Rossi do të shprehej se “ajo është mjaft e bukur dhe e mirë pasi ka ditur të qëndroj një hap pas partnerit të saj të famshëm.” Deklarata e tij ka shkaktuar reagime të forta nga gra italiane të suksesshme në fusha të ndryshme të shoqërisë. 29 deputete italiane të gjitha krahëve politikë, kanë nënshkruar një letër të depozituar në Parlamentin Italian ku i kërkojnë prezantuesit Amadeus të kërkojë falje publike. Por seksizmi si femonem është prezent edhe në Shqipëri. Delina Fico, aktiviste u shpreh se "Në mediat shqiptare ka emisione që promovojnë seksizëm po aq sa ka emisione që promovojnë vlera"- tha ajo.