Edhe pse Greqia i ka mbyllur kufijtë për shqiptarët në kulmin se sezonit turistik për shkak të shifrave të larta nga COVID-19 dhe rrezikut të përhapjes edhe më shumë të infeksionit, ka një lajm të mirë për të gjithë punonjësit sezonalë nga Shqipëria që janë aktualisht duke punuar në shtetin helen. Autoritetet greke janë duke diskutuar që leja e posaçme për punëtorët sezonalë të shtyhet deri në 31 dhjetor të 2020. Që prej fillimit të kësaj procedure në maj të këtij viti, kryesisht në sektorin e bujqësisë në Greqi janë punësuar me shumë se 30.000 emigrantë, shumica dërrmuese e tyre janë shtetas shqiptarë. Për më tepër se si është pritur ky lajm, a do të ndryshojnë procedurat dhe si a do të lejohen edhe aplikime të tjera për punonjësit sezonalë që nuk kanë hyrë ende në Greqi për shkak të mbylljes së kufijve. Në një lidhje direkte nga Athina, gazetari i Top Channel, Artur Bibe, dha detaje të këtij vendimi dhe sa preken shqiptarët që shkojnë të punojnë gjatë këtij sezoni në Greqi.