Një projekt shumë interesant është parashikuar për burgun e Prishtinës për ta kthyer atë në një muze. Kjo do të shërbejë për të ruajtur institucionin në fjalë dhe për të tërhequr vëmendjen e vizitorëve të cilët kanë interes për të kaluarën. Burgu në fjalë është ndërtuar në fund të viteve 1940 dhe ndodhet në rrugën "Luan Haradinaj", ne qendër të qytetit. Ai është mbi të gjitha një objekt i rëndësishëm historik për Kosovën dhe për këtë arsye do të ruhet edhe për brezat e rinj. Shumë figura të rëndësishme të vendit kanë vuajtur dënimin në këtë institucion si edhe janë persekutuar politikisht. Më datën 23 maj është lëshuar edhe vendimi i qeverisë për nisjen e transformimit të këtij institucioni, duke e shndërruar nga "burgun e njerëzve në mbrojtësin e kujtimeve". Për më shumë lidhur me këtë projekt në do të lidhemi me Yll Rugovën, zëvendësministër i Kulturës dhe aktivist i Vetëvendosjes.