Shumë bashki të vendit janë në prag falimentimi për të kryer funksionin e tyre shkak të borxheve që ato kanë krijuar ndër vite. Sipas Ministrisë së Financave janë rreth 6,2 miliardë lekë që bashkitë kanë krijuar si borxh, ose të baras vlefshme me rreth 2200 lekë për frymë. Qeveria ka dhënë ultimatumin që këto detyrime duhet të paguhen, në të kundërt, në krye të bashkive problematike do të vendoset një administrator i përkohshëm për menaxhimin e financave. Kjo problematikë është ngritur shpesh nga të gjithë kryebashkiakët, pa dallim në ngjyrim partiak, pasi sipas tyre, situata krijon probleme në realizimin e funksioneve, shërbimeve dhe kompetencave, çka përkthehet në mungesë të theksuar të shërbimeve ndaj qytetarëve. Së fundi, një udhëzim i Ministrisë së Financave përcakton vendosjen e një administratori në krye të bashkive që nuk shlyejnë dot borxhin.