Në kulme të debateve politike, kur çdo pale i nevojitet një mbështetje e madhe jo vetëm reaguese por edhe opinionbërëse në rrjetet sociale, vihet re një rritje disproporcionale e numrit të llogarive false. Dhe qëllimet pse dikush përdor një llogari false nuk lidhen vetëm me politikën, por nisin që nga përfitimet personale (vjedhje me anë të mashtrimit), deri te ndikimi në grupe të caktuara shoqërore. Por si ndikojnë llogaritë e rreme në sjelljen tonë? A kanë rëndësi ato për çështje të caktuara? Pasi nuk është vetëm personaliteti ynë që mund të ndikohet nga llogaritë e rreme, por janë edhe çështje të ndryshme ose kauza. Blerim Gjeladini i Terra Data Analytics tha se çdo platformë e mediave sociale ka një algoritëm me të cilin përcakton se çfarë t'i tregojë përdoruesit. Algoritmi është i personalizuar; gjatë viteve që ju keni përdorur platformën e medias sociale, ajo ka mësuar interesat, pikëpamjet dhe vlerat tuaja duke ndjekur atë që shikoni, pëlqeni, komentoni dhe ndani. Në pjesën më të madhe të platformave, ju mund të shkarkoni atë që ju intereson dhe të shikoni nëpër të dhëna për të ditur se si ju sheh algoritmi. Facebook mund t’ju ndjekë edhe ecurinë e ndryshimit të mendimit për një çështje të caktuar ose për një grupim politik, p.sh nëse ju mbështesni qeverinë ose opozitën, nëse jeni i djathtë ose i majtë