Dalja e vendit nga izolimi ditët e fundit është shoqëruar me një sërë masash lehtësuese për përdoruesit e automjeteve. Mbi 7402 mijë mjete të transportit të pasagjerëve që janë të regjistruara në sistem, ju është hequr detyrimi i pagesës vjetore, një shumë që do të paguhet nga Drejtoria e Përgjithshme e Transportit Rrugor. Një masë tjetër lehtësuese vjen edhe për ata që duan të pajisen me leje drejtimi. Është parashikuar që kurset e praktikës për patenta të nisin nga 18 maji nën kushte të rrepta higjieno-sanitare, ndërkohë që teoria do të vazhdojë online. Megjithatë për të folur rreth detajeve dhe vendimeve të tjera që kanë propozuar përsa i përket edhe transportit urban që ende është i pezulluar kishim në një lidhje direkte, Blendi Gonxhja, Drejtor i Drejtorisë së Përgjithshme të Transportit Rrugor.