Teksa jemi në prag të sezonit veror, një nga shqetësimet e të gjithëve është fakti nëse mund të lahemi pa frike në det. Ekspertet në të gjithë botën kanë evidentuar disa forma përmes të cilave mund të përhapet koronavirusi. Por deri tani nuk ka të dhëna shkencore nëse Kovid-19 mbetet aktiv në ujërat e kripura të deteve. Por megjithatë është ngritur një diskutim që mund të jenë ujërat urbanë me fekale që mund ta mbartin dhe kjo do të ishte shqetësuese. Në Amerikë por jo vetëm ka disa projekte që kanë nisur punën për të sjellë të dhëna më konkrete nëse rrezikojmë duke u larë në det. Ndërkohë shqetësim aktual mbetet mbipopullimi në plazhe dhe vështirësia për të ruajtur distancën. Në Shqipëri, me urdhër të policisë është ndaluar larja e qytetarëve në det, deri në një urdhër të dytë. Por pavarësisht kësaj ka qytetarë që e kanë shkelur këtë urdhër. Ne "shkuam" përmes skype sot në Arkansas, ku biseduam me biologen molekulare Rinalda Proko, e cila na dha argumentet dhe këshillat e saj lidhur me frekuentimin e plazheve.