Përfaqësues të Bashkive të Shqipërisë kanë bërë propozimet e tyre lidhur me buxhetin që i ofrohet nga Ministria e Financave për vitin e ardhshëm. Përpara Komisionit Parlamentar të Ligjeve ata kanë kërkuar ndryshimin e skemës aktuale të mbledhjes së tatimit të fitimit mbi të ardhurat personale në mënyrë që të mblidhen në bashkitë ku krijohen, gjë që është miratuar. Po ashtu përfaqësuesit e njësive vendore kërkuan fond shtesë për shërbimet e reja të deleguara, në rastin konkret atë të ofrimit të shërbimit psiko-social në arsimin parashkollor. Komisioni ka vendosur miratimin e pasqyrave financiare për bashkitë duke e konsideruar të mjaftueshme rritjen e cila për vitin e ardhshëm përllogaritet 800 milionë lekë më shumë se në vitin 2020. Por a mjaftojnë këto fonde? Adelina Farrici, Drejtoreshë Ekzekutive e Shoqatës për Autonomi Vendore tha për Wake Up se buxheti 2021 ende nuk është detajuar përfundimisht, por ndërkaq 61 bashkitë dhe 340 njësitë administrative që sot kanë më shumë se kurrë përgjegjësi, funksione dhe llojshmëri shërbimesh administrative dhe publike për të cilat u nevojitet mbështetje serioze me buxhet nga transferta qeveritare; por ato vazhdojnë me kërkesat e tyre.