Mëngjesin e sotëm në “Wake Up” ishte i ftuar atleti Izmir Smajlaj i cili i dha fund beqarisë pak ditë më parë. Gjatë bisedës në studio, Smajlaj rrëfeu se dasma ishte planifikuar një vit më parë, pikërisht me datë 31 tetor kur dhe çifti realizoi një ceremoni private me familjarët dhe zgjodhën të celebroheshin nga kryetari i bashkisë së Tiranës, Erion Veliaj. I ngacmuar nga Ori dhe Isli nëse pret të bëhët baba, Izmiri tha që për momentin jo. Ai tha se dasma nuk ka ndryshuar asgjë në jetën e tij, duke qenë se prej vitesh ka bashkëjetuar me partneren Lorella Shkreli. Atleti rrëfeu se shamia e dasmës së tij do të digjet vitin që vjen dhe sigurisht muaji i mjaltit i pa realizuar do të mbetet për më vonë për shkak të situatës. I pyetur nga Isli se me çfarë merret znj. Smajlaj për të cilën pak kanë informacion, ai u përgjigj: Ajo ka një biznes të vetin në zonën e Qafë Shtamës dhe një biznes të saj në Tiranë. “Pse nuk e ndërrove ti mbiemrin more”- pasoi bisedën me batutë moderatorja, Ori Nebijaj.