Mario Ademaj është presidenti i organizatës "Albanian International Medical Team", e cila ka si qëllim të ndihmojë shqiptarët rreth botës me shërbime shëndetësore falas. Është organizata më e madhe vullnetare shqiptare në botë. Mario ka lindur në Pogradec, por është shpërngulur në moshë fare të vogël në Amerikë. Ishte vetëm 17 vjeç kur mori vendimin për profesionin e jetës së tij, të ishte një mjek dhe t'iu shërbente të gjithë atyre që kanë nevojë. Por edhe pse 20 vite larg, në Amerikë ai Shqipërinë nuk e ka harruar, pasi çdo vit vjen për të ofruar shërbim mjekësor falas përmes organizatës "Albanian International Medical Team". Arsyeja pse ai u bë mjek dhe pse ofron shërbim shëndetësor vullnetar ka qenë inspirim nga babai i tij i cili pati një luftë të vështirë me sëmundjen e kancerit në pankreas, ndërkohë që i la Marios amanet që të ndihmonte çdo shqiptar në nevojë.